ჟურნალისტებმა დაადგინეს უკრაინასთან ომში რუსეთიდან წელს დაღუპული 33 203 პირის ვინაობა

დღეს, 26 დეკემბერს გამოქვეყნებული მონაცემებით, დადგენილია ომში 2025 წელს მოკლული 33 203 პირის ვინაობა. ეს რიცხვი ფორმალურად დაახლოებით ორჯერ ნაკლებია 2024 წლის მონაცემებზე(64 950), თუმცა ინფორმაციის მიღება და დამუშავება ჯერ კიდევ გრძელდება და 2025 წლის შედეგის შეჯამებას რამდენიმე თვე დასჭირდება. BBC-ს რუსული სამსახური და „მედიაზონა“ დაღუპულთა ვინაობის დასადგენად იყენებენ სხვადასხვა წყაროს. დაღუპულთა გვარებს საჯარო სივრცეში, მაგალითად, სოციალურ ქსელებში ყველაზე ხშირად ასახელებენ რუსეთის რეგიონებისა და რაიონული ადმინისტრაციების ხელმძღვანელები, ადგილობრივი მედია, სასწავლო დაწესებულებები, სადაც ეს მეომრები სწავლობდნენ და დაღუპულთა ოჯახის წევრები და ნათესავები. BBC-ს რუსული სამსახური და „მედიაზონა“ მოხალისეებთან ერთად მონაცემებს სწავლობენ, ამოწმებენ და დადასტურებულად მიიჩნევენ, თუ შესაბამის ინფორმაციას თან ახლავს საფლავების ამსახველი ფოტოები. უკრაინაში ომის დაწყების შემდეგ, 2022 წლის 24 თებერვლიდან მედიასაშუალებებს დადგენილი აქვთ რუსეთიდან 158 143 დაღუპულის ვინაობა. მათ 55%-ს შეადგენენ ა...