„ზამთრის სეზონზე ფასების 40%-ით შემცირება მოგვიწია“ - Step Inn(bm.ge)

"ზამთრის სეზონზე ფასების 40%-ით შემცირება მოგვიწია", – ამის შესახებ BM.GE-სთან ყაზბეგში მდებარე სასტუმრო Step Inn-ის დამფუძნებელმა, ანი ალიბეგაშვილმა, ისაუბრა.მისი თქმით, ზამთრის სეზონი ყაზბეგისთვის ხშირად დაბალი დატვირთვით ხასიათდება, თუმცა ახალი წლის პერიოდში, დაახლოებით 25 დეკემბრიდან იანვრის 10-მდე, ინტერესი ყოველთვის მაღალია. ალიბეგაშვილის ინფორმაციით, სასტუმროს ნომრების ფასები, საუზმის ჩათვლით, ამჟამად 180–250 ლარს შორის მერყეობს, რაც დაახლოებით 40%-ით ნაკლებია წინა წლის ანალოგიურ პერიოდთან შედარებით."ახალი წლის დღეებმა მაღალი დატვირთვით ჩაიარა, თუმცა ფასების კორექტირება მნიშვნელოვანი ფაქტორი იყო, რომელმაც დატვირთულობა გაზარდა. მიმდინარე წელს, ყველაზე დაბალი ფასები გვქონდა წინა წლებთან შედარებით, რამაც შედეგი გამოიღო და აღნიშნული დღეები 90%-იანი დატვირთვით გავატარეთ", – ამბობს ალიბეგაშვილი.მისი თქმით, ზამთრის პერიოდში მთაში მდებარე მსგავსი ტიპის ბიზნესებს ხარჯები მნიშვნელოვნად იზრდება, რადგან კომუნალური გადასახადები ორჯერ ან სამჯერ აღემატება ჩვეულებრივ მაჩვენებელს. ფასების შემცირ...