ვოლსკი: მეუფე იაკობი, სასულიერო პირები, ასეთ პოლიტიკურ განცხადებებს არ უნდა აკეთებდნენ

მგონია, რომ მეუფე იაკობი, საერთოდ, სასულიერო პირები, ასეთ პოლიტიკურ განცხადებებს ამ დონეზე არ უნდა აკეთებდნენ და ბრალს არ უნდა სდებდნენ რომელიმე მხარეს, როგორი პოლიტიკური გემოვნებაც არ უნდა ჰქონდეთ, პირიქით, ორივე მხარეს უნდა მოუწოდებდნენ ერთობისაკენ, უნდა იყვნენ მოწოდებული, რათა განსაცდელი აარიდონ ქვეყანას, როგორც ეს მამაო ჩვენოშია ნათქვამი. [...] ძალიან ცუდია, რომ არქიმანდრიტი იქნება, ეპისკოპოსი, სასულიერო თუ არასასულიერო პირი, რომელი კონფესიის წარმომადგენელიც არ უნდა იყოს, ვერ ხედავს იმ მზაკვრულ გეგმას, რომელიც საქართველოს წინააღმდეგ დასახეს და ამ მზაკვრულ გეგმაში ერთ-ერთი სერიოზული აქტი და ერთ-ერთი სერიოზული მიმდინარეობაა საზოგადოების გახლეჩა. [...] ნებისმიერი აზრთა სხვადასხვა უნდა იყოს განხილული პარლამენტში და არა ქუჩებში, მით უმეტეს, თუ "მოლოტოვის კოექტეილებს" ისვრიან ადამიანები. არ შეიძლება "მოლოტოვის კოქტეილის" მსროლელის მხარეს დადგე და თქვა, რომ საზოგადოება ხელისუფლებამ გახლიჩა.