ვინ არიან ირანში მოკლული დემონსტრანტები

დემონსტრაციებმა 28 დეკემბერს იფეთქა დედაქალაქ თეირანის ბაზრებში. მას მერე აქციები ბევრ ქალაქსა და დასახლებას მოედო ქვეყანაში, სადაც 92 მილიონამდე ადამიანი ცხოვრობს. ნახევარზე მეტი დასავლეთის პროვინციებში დაიღუპა - ლურისტანში, ილამსა და ქირმანშაჰში. ეს სამი, ღარიბი პროვინცია ეთნიკური უმცირესობებითაა დასახლებული და მათ განსაკუთრებული სიმწვავით შეეხო ირანის ეკონომიკური კრიზისი - რამაც მისცა კიდეც ბიძგი მიმდინარე დემონსტრაციებს. დაღუპული დემონსტრანტების უმრავლესობა ახალგაზრდა კაცია, ისინი ცეცხლსასროლი იარაღით არიან მოკლული. ირანის უსაფრთხოების ძალები სასტიკ მეთოდებს მიმართავენ - მათ შორის, დამიზნებით უხსნიან ცეცხლს დემონსტრანტებს. სულ მცირე შვიდი ადამიანი დაიღუპა ლურისტანში - რეგიონში, რომელიც ლურთა უმცირესობითაა დასახლებული. მხოლოდ პატარა ქალაქ აზნაში მოკლეს ხუთი ადამიანი. მათ შორის იყო აჰმად რეზა ამანი - 28 წლის ახალგაზრდა იურისტი, იურისტთა ასოციაციის სტაჟიორი. მას უსაფრთხოების ძალებმა 1 იანვარს, დემონსტრაციაზე ესროლეს. აზნაში, დემონსტრაციაზე მოკლეს 15 წლის მუსტაფა ფალაჰიც. კიდევ ერ...