ვიქტორ ორბანი: ნაპოლეონმა და ჰიტლერმა ვერ შეძლეს რუსეთის დამარცხება, მაგრამ კაია კალასი შეძლებს, რა თქმა უნდა

უნგრეთის პრემიერ-მინისტრმა ვიქტორ ორბანმა ევროკავშირის საგარეო საქმეთა და უსაფრთხოების პოლიტიკის საკითხებში უმაღლესი წარმომადგენელი კაია კალასი რუსეთთან ბრძოლის საკითხში ნაპოლეონსა და ჰიტლერს შეადარა. შესაბამისი განცხადება მან უნგრეთის ქალაქ სზეგედში გამოსვლისას გააკეთა. „არსებობს დიდი ევროპული ტრადიციები - მაგალითად, რუსეთზე თავდასხმა. ნაპოლეონი თავს დაესხა რუსეთს, ხომ ასეა? ისევე როგორც ჰიტლერი. მათ არაფერი გამოუვიდათ. მაგრამ კაია კალასი შეძლებს, რა თქმა უნდა,“ - იხუმრა ორბანმა. მან დასძინა, რომ რუსეთის წინააღმდეგ რაიმე დიდი გეგმა არ არსებობს, მაგრამ ევროპელებს მაინც უნდათ უკრაინაში ომის რუსეთის დასასუსტებლად გამოყენება, რადგან მოსკოვს საფრთხედ მიიჩნევენ.