„ვიდეო არ გვინახავსო, მაგრამ სამსახურიდან გამიშვეს...“ - რას ითხოვს ფოთელი მასწავლებელი?

იგორ კეკელია გვიყვება, რომ ამ ამბიდან მალევე, სკოლის ადმინისტრაციამ მას სამსახურიდან წასვლა მოსთხოვა, თუმცა როცა პედაგოგის უარი მიიღეს, დისციპლინურმა კომიტეტმა და დირექციამ მას მოსწავლეებზე ძალადობა დააბრალა და სამსახურიდან გაათავისუფლა. ეს 30 დეკემბერს მოხდა. იგორ კეკელია ახლა ორი მიმართულებით იბრძვის: „ძალიან შეურაცხყოფილი ვარ. ყაჩაღობას აიტანს კაცი, ცემას, ქურდობას, მაგრამ ეს ისეთი ტკივილი ყოფილა, იმის დაბრალება, რაც ბუნებაში არ არსებობს. ვითხოვ, მაჩვენონ კადრები, სად არის ეს კადრები, მაგრამ პოლიცია მეუბნება, რომ მათ ეს კადრები აქ აქვთ, არ უნახავთ... ემპათია მინდა გამოვხატო ყველა იმ ადამიანის მიმართ, ვისაც ეს აქამდე გადაუტანია. ვიდრე საკუთარ თავზე არ ვიწვნიე, არ მცოდნია, ეს რას ნიშნავს. ვერც აღვწერ, რას განვიცდი და რა მდგომარეობაში ვარ. საბედნიეროდ, მოსწავლეების დიდი ნაწილი გვერდში მიდგას, მწერენ მესიჯებს. სიმართლე გითხრათ, მხარდაჭერას პედაგოგების მხრიდან უფრო ველოდი, მაგრამ სამწუხაროდ, ისინი დუმან“, - ეუბნება იგორ კეკელია რადიო თავისუფლებას. პროფესიით ისტორიკოსს, 45 წლის იგორ...