ვენესუელას ოპოზიციის ლიდერის, მარია კორინა მაჩადოს განცხადებით, დონალდ ტრამპს ნობელის მშვიდობის პრემიის მედალი გადასცა

ვენესუელას ოპოზიციის ლიდერის, მარია კორინა მაჩადოს განცხადებით, თეთრ სახლში გამართულ შეხვედრაზე აშშ-ის პრეზიდენტ დონალდ ტრამპს ნობელის მშვიდობის პრემიის მედალი გადასცა. „მე შეერთებული შტატების პრეზიდენტს ნობელის მშვიდობის პრემიის მედალი გადავეცი“, - განაცხადა მან ტრამპთან შეხვედრის შემდეგ, რომელიც მათი პირველი პირისპირ შეხვედრა იყო. მისი თქმით, საჩუქარი „ტირანიის წინააღმდეგ თავისუფლებისთვის ბრძოლაში“ მის ქვეყანასა და აშშ-ს შორის „ძმობის ნიშანია“. მედიის ინფორმაციით, თეთრი სახლის დატოვების შემდეგ მაჩადომ გარეთ შეკრებილ მხარდამჭერებს ესპანურად მიმართა: „შეგვიძლია პრეზიდენტ ტრამპზე დაყრდნობა“. მაჩადოს არ დაუკონკრეტებია, მიიღო თუ არა საჩუქარი დონალდ ტრამპმა. აშშ-ის პრეზიდენტმა, რომელიც ხშირად საუბრობს ნობელის მშვიდობის პრემიის მიღების სურვილზე, უკმაყოფილება გამოთქვა, როდესაც გასულ წელს პრემია მაჩადოს გადაეცა. ცნობისთვის, კარაკასში აშშ-ის ძალების მიერ ვენესუელას პრეზიდენტის, ნიკოლას მადუროს დაკავების შემდეგ, ტრამპმა უარი განაცხადა, მხარი დაეჭირა მაჩადოსთვის, როგორც ვენესუელას ახალი ლიდ...