ვენესუელას ნავთობის წარმოების აღსადგენად 183 მლრდ დოლარის ინვესტიცია დასჭირდება

ვენესუელას ნავთობის წარმოების აღსადგენად 183 მლრდ დოლარის ინვესტიცია დასჭირდება. ამის შესახებ Report იუწყება. გამოცემის ცნობით, ვენესუელას შეუძლია წარმოების აღდგენა 90-იანი წლების ბოლოს დაფიქსირებულ დონემდე, თუმცა ამისთვის დრო და ინვესტიციები იქნება საჭირო. ქვეყანა ამჟამად დღეში დაახლოებით 1.1 მლნ ბარელს აწარმოებს. Rystad-ის ანგარიშის თანახმად, მომდევნო 15 წლის განმავლობაში წარმოების ამ დონის შესანარჩუნებლად, ნავთობის მოძიებასა და წარმოებაში, ასევე მასთან დაკავშირებულ ინფრასტრუქტურაში, ვენესუელას დაახლოებით 53 მლრდ დოლარის ინვესტირება დასჭირდება. წარმოება, მომდევნო 2-3 წლის განმავლობაში შესაძლოა, 300 000 ბარელით გაიზარდოს დღეში, თუმცა შემდგომი ზრდა წელიწადში დაახლოებით 8-9 მლრდ დოლარის ინვესტიციებს მოითხოვს. ამ სცენარის მიხედვით, ნავთობის დღიური წარმოება 2032 წლისთვის შესაძლოა, დღეში 2 მლნ ბარელამდე, ხოლო 2040 წლისთვის 3 მლნ ბარელამდე გაიზარდოს. Rystad-ის ექსპერტები მიიჩნევენ, რომ 2040 წლისთვის წარმოების 3 მილიონ ბარელამდე დღეში გაზრდისთვის საჭირო მთლიანი კაპიტალური ინვესტიციების მოც...