„ვეღარ ჩაიყვანს ოჯახის წევრებს“ - რას ნიშნავს აშშ-ის საიმიგრაციო ვიზების გაცემის შეჩერება და ვის შეეხება?

საიმიგრაციო ვიზა შეერთებულ შტატებში მუდმივად ცხოვრებისა და მუშაობის უფლებას იძლევა. ასეთი ვიზები წლების განმავლობაში გაიცემოდა - ოჯახების გამთლიანების, ქორწინების, შვილად აყვანის მიზნებით, სამუშაოდ წასასვლელად თუ მწვანე ბარათის გათამაშებაში მოგების შემთხვევაში. აშშ-ის საელჩოებში გაცემული 6 თვიანი საიმიგრაციო [ერთჯერადი] ვიზის მფლობელი შედიოდა აშშ-ში და უკვე იქ, საიმიგრაციო სტრუქტურაში (USCIS) იღებდა მუდმივი ბინადრობის დამადასტურებელ საბუთს - მწვანე ბარათს. პასპორტში ჩაკრულ ამ ტიპის ვიზა ერთი წლის განმავლობაში იძლეოდა აშშ-ში ლეგალურად ყოფნის უფლებას. სახელმწიფო დეპარტამენტის თანახმად, ცვლილებები შეეხებათ იმ ქვეყნის მოქალაქეებს, “რომლებიც საზოგადოებრივი სარგებლის გამოყენების მაღალ რისკს წარმოადგენენ”. საიმიგრაციო ვიზები ადამიანებს თითქმის ყველა იმ უფლებით სარგებლობის შესაძლებლობას აძლევს, რითაც აშშ-ის მოქალაქეები სარგებლობენ. ოფიციალური მონაცემებით, მხოლოდ 2024 წელს აშშ-მა - 612 258 საიმიგრაციო ვიზა გასცა, ამავე წელს საქართველოს მოქალაქეებისთვის 1817. საიმიგრაციო ვიზების გაცემის შე...