ვადამდე გათავისუფლება - რას ითხოვს სანაცვლოდ სახელმწიფო დემონსტრანტებისგან?

ამ სტატიაში განვიხილავთ, რა შესაძლებლობებს აძლევს კანონი პატიმარს ვადამდე გათავისუფლებისთვის და არის თუ არა „აღიარება“ მთავარი წინაპირობა. „დეკემბრის დასაწყისში მამასთან ციხის სოციალური სამსახურიდან მივიდნენ, მან ფურცლები გადაუხია და უთხრა, რომ არანაირი შეწყალება არ სჭირდება“, - უყვება რადიო თავისუფლებას ჯგუფური ძალადობის ბრალდებით დაკავებულისა და საბოლოოდ, ჯგუფური მოქმედების მუხლით გასამართლებული დემონსტრანტის, ჯანო არჩაიას შვილი, ნია არჩაია. მამამისის პოზიციაა, რომ შეღავათები არ სჭირდება, „მოიხდის იმდენს, რამდენიც მიუსაჯეს და თავაწეული გავა ციხიდან“. იმავე ფურცლებს ხელი მოაწერა 21 წლის გიორგი გორგაძემ - ადვოკატმა შოთა თუთბერიძემ აუხსნა, რომ ვადაზე ადრე გათავისუფლება ავტომატური პროცედურაა და პატიმრის თანხმობა საერთოდ არ სჭირდება და არ არის იგივე, რაც პრეზიდენტის შეწყალება. გიორგი გორგაძეს პასუხი არ მიუღია. „როცა პასუხი არ მოდის, ეს ნიშნავს, რომ უარი გითხრეს“, - აუხსნეს სხვა პატიმრებმა. თუ ეს შეწყალება არ არის, და არავის ნებაზე არ არის დამოკიდებული, მაშინ რა ფურცლები შეუტანეს ჯგუფ...