უშაკოვი: სამშვიდობო გეგმაში კიევისა და ევროპის ცვლილებები მშვიდობისგან გვაშორებს

რუსეთ-უკრაინის ომის სამშვიდობო გეგმაში ცვლილებები, რომლებიც კიევსა და ევროპას შეაქვთ, მხარეებს გრძელვადიანი მშვიდობისგან აშორებს - ამის შესახებ რუსეთის ფედერაციის პრეზიდენტის თანაშემწემ, იური უშაკოვმა განაცხადა. "მე ძალზედ დარწმუნებული ვარ, რომ ის დებულებები, რომლებიც ევროპელებმა უკრაინელებთან ერთად შეიტანეს ან ცდილობენ შეიტანონ, ნამდვილად არ აუმჯობესებს დოკუმენტებს და არ ზრდის გრძელვადიანი მშვიდობის მიღწევის შესაძლებლობას" - განუცხადა მან ჟურნალისტებს. კრემლის წარმომადგენელმა ასევე დაამატა, რომ თავად შეცვლილი დოკუმენტები ჯერ არ უნახავს - ის მხოლოდ "პრესაში გავრცელებულ სიგნალებს" გაეცნო.