უფლებადამცველები: ირანში პროტესტების დროს დაღუპულთა რიცხვმა 500-ს გადააჭარბა - ლაივბლოგი

NetBlocks: ირანში ინტერნეტის საყოველთაო ბლოკადა მეოთხე დღეა გრძელდებაორგანიზაცია NetBlocks-მა 12 იანვარს, დილით გავრცელებულ განახლებულ ინფორმაციაში განაცხადა, რომ ირანში ინტერნეტის საყოველთაო გათიშვა მეოთხე დღეა გრძელდება.ტექნიკურ მონაცემებზე დაყრდნობით, NetBlocks-ი აღნიშნავს, რომ ბლოკადა კვლავ ძალაშია. ირანში ციფრული ცენზურის მრავალწლიანი კვლევა კი აჩვენებს, რომ მსგავს ვითარებაში მოქალაქეები კომუნიკაციისთვის ალტერნატიულ გზებს იყენებენ.ანგარიშის თანახმად, ეს გადაწყვეტილებები მოიცავს მოკლეტალღოვანი და სამოყვარულო რადიოების გამოყენებას, სასაზღვრო ზონებში მობილური კავშირის ანძებთან დაკავშირებას, Starlink-ის ტერმინალებსა და თანამგზავრიდან მობილურ ტელეფონზე პირდაპირი კავშირის (satellite-to-cell phone) ტექნოლოგიას.ინტერნეტის მასშტაბური გათიშვა 8 იანვარს დაიწყო, რაც ირანის მრავალ ქალაქში პროტესტის გამწვავებას დაემთხვა. ადამიანის უფლებადამცველი ჯგუფები და ინტერნეტის თავისუფლებისთვის მებრძოლი აქტივისტები აცხადებენ, რომ ამის მიზანი ინფორმაციის გავრცელების შეზღუდვა და საპროტესტო აქციების ჩახშობის...