უკრაინული მედია - რუსეთის ვოლგოგრადის ოლქში, დრონებით თავდასხმის შემდეგ, ნავთობგადამამუშავებელი ქარხანა იწვის

რუსეთის ვოლგოგრადის ოლქში, დრონებით თავდასხმის შემდეგ, ნავთობგადამამუშავებელი ქარხანა იწვის, - ინფორმაციას უკრაინული მედია ავრცელებს. ვოლგოგრადის ოლქის გუბერნატორის, ანდრეი ბოჩაროვის ცნობით, საწარმოს ტერიტორიაზე ხანძარი დრონის ჩამოვარდნის შედეგად გაჩნდა. „წინასწარი ინფორმაციით, დაშავებულები არ არიან“, - დაწერა გუბერნატორმა „ტელეგრამის“ არხზე. რუსეთის თავდაცვის სამინისტროს განცხადებით, ღამით ქვეყნის ტერიტორიაზე 59 უკრაინული დრონი ჩამოაგდეს.