უკრაინის დელეგაცია აშშ-ში ჩავიდა

უკრაინული დელეგაცია აშშ-ში გაემგზავრა. მომდევნო დღეებში დაგეგმილია შეხვედრები ამერიკის პრეზიდენტის, დონალდ ტრამპის წარმომადგენლებთან. აღნიშნულის შესახებ უკრაინის პრეზიდენტმა, ვოლოდიმირ ზელენსკიმ ჩეხ კოლეგასთან, პეტრ პაველთან ერთად გამართულ პრესკონფერენციაზე განაცხადა.ზელენსკიმ იმედი გამოთქვა, რომ შეხვედრების შემდეგ „მეტი სიცხადე იქნება იმ დოკუმენტებთან დაკავშირებით, რომლებიც, ფაქტობრივად, უკვე მომზადებულია ამერიკულ მხარესთან ერთად, ასევე რუსეთის პასუხთან დაკავშირებით მთელი იმ დიპლომატიური მუშაობის ფონზე, რომელიც მიმდინარეობდა და ახლაც მიმდინარეობს“.ზელენსკიმ დააზუსტა, რომ საჭიროა უსაფრთხოების გარანტიებსა და უკრაინის აღდგენის პაკეტთან დაკავშირებული რიგი საკითხების დახვეწა. მისი თქმით, ყველაფერი მზად თუ იქნება, ხელმოწერა, შესაძლოა, 19–23 იანვარს, დავოსში, მსოფლიო ეკონომიკური ფორუმის ფარგლებში შედგეს.„საკითხი არ არის იმაში, რომ დღესვე, სასწრაფოდ მოვაწეროთ ხელი. მნიშვნელოვანია, იქ იყოს ყველა ასპექტი, რომელზეც პარტნიორებთან ვისაუბრეთ, რომ უკრაინა ომის შემდეგ არ დარჩეს „შიშველი და ფეხშიშველი...