უარესი, უკეთესი თუ გადამწყვეტი? - პროგნოზები 2026 წლისთვის

გიგა ზედანია, ფილოსოფიის მეცნიერებათა დოქტორი: 2026 წელი იქნება ერთ-ერთი ძალიან მნიშვნელოვანი, შესაძლოა საბოლოო წელიც, იმის გასაგებად, ჩამოყალიბდება ავტორიტარიზმი საქართველოში თუ საზოგადოება მოახერხებს თავისუფალი სივრცეების დაცვას. ამის ერთ-ერთი ძალიან მნიშვნელოვანი მაჩვენებელი იქნება, განადგურდება უნივერსიტეტები თუ არა. კახა გოგოლაშვილი, პოლიტოლოგი: 2026 წელი საქართველოსთვის ძალიან რთული იქნება. „ქართული ოცნება“ და ბიძინა ივანიშვილი ყველაფერს აკეთებენ, რომ ლეგალური ავტორიტარიზმი დაამყარონ. იმის იმედი, რომ „ქართული ოცნება“ თავისით ჩამოიშლება, არასწორია. შესაძლოა კლანური დაპირისპირების შედეგად, გამარჯვებული ფრთა უფრო გაძლიერდეს კიდეც. მოსახლეობის დიდი ნაწილი, რა თქმა უნდა, უკმაყოფილოა და ცვლილებები უნდა, მაგრამ ამის მაკოორდინირებელი ძალები ძალიან დასუსტებულია. ქუჩის პროტესტი სუსტდება, რადგან „ქართულ ოცნებას“ მისი შეზღუდვის ძალიან დიდი შესაძლებლობა აქვს. მოსახლეობა, ალბათ, მაინც არ შეეგუება ამას და დაპირისპირდება გაგრძელდება, ამიტომ წინ ძალიან რთული პერიოდი გველის. ზვიად კვარაცხელია,...