„თვითღირებულებაზე ნაკლებ ფასში ვყიდით ავტომობილებს - ავტოიმპორიოტები რთულ მდგომარეობაში არიან“ - ასოციაცია

„თვითღირებულებაზე ნაკლებ ფასში ყიდიან ავტოიმპორტიორები ავტომობილებს“, - ამის შესახებ „ბიზნესპრესნიუსთან“ საუბრისას ავტოიმპორტიორთა ასოციაციის თავმჯდომარემ, ლაშა დარბაისელმა განაცხადა. როგორც მანვე აღნიშნა, შუა აზიიდან ჩამოსული პირები კონკურენციის კუთხით კვლავაც გამოწვევას წარმოადგენენ ადგილობრივი ბიზნესებისთვის. „თვითღირებულებაზე ნაკლებ ფასში ყიდიან ავტოიმპორტიორები ავტომობილებს, რადგანაც, მოგეხსენებათ რომ, შუა აზიიდან ჩამოსული პირები პირდაპირ შემოდიან კონკურენციაში. ადრე თუ ავტოიმპორტიორებისგან ყიდულობდნენ, ახლა პირდაპირ მათ ჩამოჰყავთ ავტომობილები და გაჰყავთ. ჩვენი სექტორი პირდაპირ დაკავშირებულია არა იმდენად ადგილობრივ ბაზარზე, რამდენადაც რეექსპორტზე, ხოლო რეექსპორტზე ვეღარ იყიდება იმ რაოდენობით ავტომობილები, რა რაოდენობითაც უნდა იყიდებოდეს. ადგილობრივი ბაზარი არ არის იმხელა გასაღების ბაზარი, რომ ავტომობილები მხოლოდ ადგილობრივი ბაზრისთვის ჩამოვიყვანოთ“, - აცხადებს ლაშა დარბაისელი. მისი თქმით, წინასაახალწლო პერიოდში გაცილებით მეტი ავტომობილი იყიდებოდა წინა წლებში, ვიდრე მიმდინარე წე...