ტურიზმი საქართველოს ეკონომიკის მშპ-ის დაახლოებით 10%-ს და დასაქმების 9%-ს შეადგენს, მომსახურების ექსპორტის თითქმის 60% კი სწორედ ტურიზმზე მოდის - ირაკლი ნადარეიშვილი

2025 წელი საქართველოს ტურიზმის ინდუსტრიისთვის გამორჩეულად წარმატებული იყო. ქვეყანამ ტურისტების რეკორდულ რაოდენობას უმასპინძლა. როგორც ეკონომიკისა და მდგრადი განვითარების მინისტრის მოადგილემ ირაკლი ნადარეიშვილმა განაცხადა, 2025 წელს 5,5 მლნ-ზე მეტი ტურისტული ვიზიტი განხორციელდა, რაც ისტორიული მაქსიმუმია, ამასთან, 2024 წელთან შედარებით, ტურისტული ვიზიტების ზრდამ დაახლოებით 8.5%-ი შეადგინა. მინისტრის მოადგილის ინფორმაციით, მნიშვნელოვანი ზრდაა ყველა იმ მიზნობრივ ბაზარზე, სადაც ეკონომიკის სამინისტრო და ტურიზმის ადმინისტრაცია წლების განმავლობაში თანმიმდევრულად მუშაობს მარკეტინგული კამპანიების, ქვეყნის ცნობადობის ამაღლებისა და პირდაპირი საჰაერო მიმოსვლის მხარდაჭერის მიმართულებით.მინისტრის მოადგილემ განსაკუთრებული ყურადღება გაამახვილა ევროკავშირისა და დიდი ბრიტანეთის ბაზრებზე, საიდანაც 2025 წელს ტურისტული ნაკადები 14 პროცენტით გაიზარდა, ასევე მნიშვნელოვანი მატებაა ისრაელიდან, სადაც ზრდამ დაახლოებით 30 პროცენტი შეადგინა, ჩინეთიდან და სხვა მიზნობრივი ბაზრებიდან.ირაკლი ნადარეიშვილის ინფორმაციით,...