ტულსი გაბარდი დიფ სთეითზე: ისინი აღვივებენ შიშსა და ისტერიას. ამას აკეთებენ იმისათვის, რომ აშშ-ის არმია რუსეთთან პირდაპირ კონფლიქტში ჩაითრიონ, რაც, საბოლოო ჯამში, ევროკავშირსა და ნატოს სურთ. ჩვენ ეს არ უნდა დავუშვათ

აშშ-ის ეროვნული დაზვერვის დირექტორმა ტულსი გაბარდმა დიფ სთეითი ამერიკის რუსეთთან ომში ჩათრევის მცდელობაში დაადანაშაულა. შესაბამისი განცხადება მან ორგანიზაცია Turning Point-ის ღონისძიებაზე გააკეთა. გაბარდმა აღნიშნა, რომ პრეზიდენტი დონალდ ტრამპი დაუღალავად ცდილობს სამშვიდობო შეთანხმების მიღწევას, რათა საბოლოოდ დაასრულოს ომი და მისი გუნდები ამ მომენტშიც მოლაპარაკებებში არიან ჩართული. „ყოველ ჯერზე, როდესაც ისინი პროგრესს აღწევენ და სულ უფრო უახლოვდებიან მშვიდობის იმედს, დიფ სთეითის ომის გამჩაღებლები მათ შესაჩერებლად ყველაფერს აკეთებენ. ისინი იყენებენ იმავე ტაქტიკას, რომელსაც ყოველთვის იყენებდნენ. სადაზვერვო სამსახურში მოქმედი დიფ სთეითი დაზვერვის მონაცემებს იარაღად იყენებს, რათა ძირი გამოუთხაროს პროგრესს. ისინი ინფორმაციას თავიანთ მეგობრებსა და მეინსტრიმ პროპაგანდისტულ მედიას აწვდიან, რათა ეს ყველაფერი გაავრცელონ და მცდარი ნარატივი დაამკვიდრონ. ისინი აღვივებენ შიშსა და ისტერიას, რათა გაამართლონ ომის გაგრძელება და თავიანთი მცდელობები პრეზიდენტ ტრამპის სამშვიდობო ძალისხმევის წინააღმდეგ. ამ...