"თუ არ არის ინდივიდუალური ძალადობა, ჯგუფური როგორღა მოხდა?!" - რა [არ] ჩანს პროკურატურის ვიდეომტკიცებულებებში 4 ოქტომბრის საქმეზე

15-წევრიანი ჯგუფიდან 12 ადამიანი ისევ დაკავებულია, 3 - გირაოს სანაცვლოდ არის გათავისუფლებული; მათ შორის - 71 წლის ექიმი პედიატრი გიორგი [გოგი] ჩახუნაშვილი, რომლის დაკავებასაც შარშან ოქტომბერში ხმაურიანი პროტესტი მოჰყვა. 15-წევრიანი ჯგუფიდან გირაოს წესით არიან ასევე გამოშვებული: 12 კვლავ დაკავებულია: ადვოკატების განცხადებით, ამ ჯგუფის წევრების უდიდეს ნაწილს სხვადასხვა სიმძიმის ჯანმრთელობის პრობლემები აწუხებს. 15-დან 14 ადამიანს ბრალად ედება: სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად [222-ე მუხლის მე-2 ნაწილის “ა“ ქვეპუნქტი] - თავისუფლების აღკვეთით ვადით ორიდან ოთხ წლამდე და ორგანიზებულ ჯგუფურ ძალადობაში მონაწილეობა [225-ე მუხლის მეორე ნაწილი] - ისჯება თავისუფლების აღკვეთით ვადით ოთხიდან ექვს წლამდე. კიდევ ერთ ბრალდებულს [ია დარახველიძეს] - მხოლოდ ორგანიზებულ ჯგუფურ ძალადობაში მონაწილეობას ედავებიან [225-ე მუხლის მეორე ნაწილი]. 9 იანვარს, თბილისის საქალაქო სასამართლოს მე-3 დარბაზში, საშუალო ზომის ეკრანზე აჩვენეს ბრალდების მიერ გა...