ცხინვალში დაპატიმრების შემდეგ, ახალგორში თამარ მეარაყიშვილის ბინა და მისი მშობლების სახლი გაჩხრიკეს

ცხინვალში ახალგორელი აქტივისტის, თამარ მეარაყიშვილის დაპატიმრების შემდეგ, ახალგორში მისი ბინა და მისი მშობლების სახლი გაჩხრიკეს. ჩხრეკის შედეგად მეარაყიშვილის ბინიდან პირადი ნივთები წაიღეს, მათ შორის ნიდერლანდების  სამეფოს საელჩოს კონკურსში გამარჯვებისთვის 2018 წელს გადაცემული ჯილდო "ადამიანის უფლებათა ტიტა". თამარ მეარაყიშვილს, რომელსაც ცხინვალი “ჯაშუშობას” ედავება, ადგილობრივმა სასამართლომ ორთვიანი წინასწარი პატიმრობა შეუფარდა. დახურული სასამართლო სხდომა ცხინვალში 24 დეკემბერს გაიმართა. […]