წელს საქართველომ რეკორდული რაოდენობის მსხალი იყიდა - რომელ ქვეყნებში ვყიდულობთ ერთ-ერთ ყველაზე გაძვირებულ პროდუქტს

ნოემბერში, გასული წლის ანალოგიურ პერიოდთან შედარებით, მსხალი ყველაზე გაძვირებულ 10 პროდუქტს შორის მოხვდა. სტატისტიკის ეროვნული სამსახურის მონაცემებით, ფასის ზრდამ საშუალოდ, 53% შეადგინა. ამასთან, საქსტატის მონაცემებზე დაყრდნობით, 2025 წლის იანვარ-ოქტომბერში საქართველოში მსხლის იმპორტი რეკორდულად გაიზარდა (საგარეო ვაჭრობის პორტალზე ახალი მსხლის იმპორტის მაჩვენებელზე მონაცემები ხელმისაწვდომი 2009 წლიდანაა). უფრო კონკრეტულად, მიმდინარე წლის 10 თვეში საქართველოში 1. 133 მლნ აშშ დოლარის ღირებულების 1503 ტონა მსხალი შემოვიდა, რაც გასულ წლებში ყველაზე მაღალი მაჩვენებელია. შედარებისთვის, 2024 წლის ანალოგიურ პერიოდში, ქვეყანამ 1. 065 მლნ აშშ დოლარის ღირებულების 1472 ტონა მსხალი იყიდა. თუ მოცემულ თანხებზე დაყრდნობით ვიმსჯელებთ, მსხლის იმპორტი საქართველოში 1-წლიან ჭრილში 6%-ით გაიზარდა. რაც შეეხება ფასს, გამოდის, რომ მიმდინარე წელს მსხლის საშუალო საიმპორტო ფასი (გადასახადების გარეშე) 75 ცენტი იყო, გასული წლის ანალოგიურ საანგარიშო პერიოდში კი 72 ცენტი. აღსანიშნავია, რომ მსხალი წელს ჯამში 5 ქვ...