წელს ბარელ ნავთობზე ფასი 50-54 დოლარამდე დაეცემა - Goldman Sachs

წელს ნავთობზე ფასები მიწოდების ზრდის გამო დაიკლებს, რასაც გლობალურ ბაზარზე ჭარბი რაოდენობის მარაგის წარმოქმნა გამოიწვევს. კერძოდ, Brent-ის მარკის ნავთობზე საშულაო ფასი ბარელზე 56 დოლარს, ხოლო წლის ბოლო კვარტალში, მინიმუმ, 54 დოლარს შეადგენს. ამის შესახებ Goldman Sachs პროგნოზირებს, რასაც Reuters ავრცელებს. ამეირიკულ WTI-ის მარკის ნავთობზე ბარელის ფასი წლის განმავლობაში 52 დოლარი იქნება, ხოლო წლის ბოლო კვარტალში 50 დოლარამდე დაიწევს. Brent-სა და WTI-ზე ფასების ყველაზე დაბალ ნიშნულამდე დაცემას ეკონომიკური თანამშრომლობისა და განვითარების ორგანიზაციის ქვეყნებში ნავთობის მარაგის ზრდა გამოიწვევს. „გლობალური მარაგის ზრდის გამო 2026 წელს დღეში ნავთობის პროფიციტი 2.3 მლნ ბარელს შეადგენს, რაც იმაზე მიუთითებს, რომ ბაზრის ბალანსის აღსადგენად საჭირო იქნება ნავთობზე ფასების შემცირება. ეს OPEC-ის არაწევრი ქვეყნების მხრიდან მიწოდების ზრდას შეანელებს და მოთხოვნის სტაბილურ ზრდას ხელს შეუწყობს,” - წერს Goldman Sachs. 2025 წელს Brent-სა და WTI-ზე ფასები 2020 წლიდან ყველაზე დაბალ მაჩვენებლამდე, ანუ, თ...