„წამებას გავდივარ“ - აქტივისტი სანდერი ჯანმრთელობის პრობლემებზე საუბრობს და შიმშილობას აანონსებს

„ჯანმრთელობა ქიმიური იარაღით დამიზიანეს. მე ვარ პოლიტპატიმარი. მე თუ დაუყოვნებლივ არ გამათავისუფლებთ, დღესვე ვიწყებ მშრალ შიმშილობას, ყოველგვარი მედიკამენტების გარეშე, - რაც ისედაც არ მაქვს“, - IPN-ის ცნობით, განაცხადა სანდერმა. მან დღევანდელ სხდომაზე თქვა, რომ 4 ოქტომბრისთვის საქართველოში გერმანიიდან ჩამოვიდა „ქართველი ხალხის ხმის უფლების დასაცავად“, ვინაიდან მიაჩნია, რომ 2024 წლის საპარლამენტო არჩევნები გაყალბდა და „სახელმწიფო მიტაცებულია“. „ჩემზეც განხორციელდა ჯგუფური ძალადობა ფორმიანი პოლიციელებისგან, წამაქციეს და ყელში ჩამარტყეს წიხლი“, - თქვა მან. „როგორც დანარჩენ მოქალაქეებზე, ჩემზეც გამოიყენეს ქიმიური იარაღი, რისი გამოყენების შემდეგაც, რასაც ტელევიზიით ვისმენ, ის სიმპტომები მაქვს მეც, მაქვს გულის პრობლემები, სახსრების პრობლემები“, - განაცხადა ნანა სანდერმა. ნანა სანდერი ასევე საუბრობს გართულებულ ჯანმრთელობის მდგომარეობაზე: „D ვიტამინის ნაკლებობა მაქვს, თუმცა მეოთხე თვეა, D ვიტამინი არ მიმიღია; ვცხოვრობ ვეგანურად. ის ვიტამინი მოვითხოვე, რაც გერმანიაში დამინიშნეს... ექიმმა მ...