ტროტუარზე პროტესთვისთვის შსს-ში დაწყებული სამართალწარმოება მოსამართლემ შეწყვიტა - ამბობს აქტივისტი გიორგი წულაია

„დღეს, 8 საათზე დამირეკეს და მითხრეს, რომ თქვენმა მოსამართლემ, დავით მაკარიძემ განიხილა თქვენი საქმე და შეწყვიტა წარმოებაო. არგუმენტზე რომ ვიკითხე, მითხეს, რომ დადგენილებაში ეწერება, რომელსაც ჩამაბარებენ“, - ეუბნება წულაია რადიო თავისუფლებას. მისი საქმის განხილვა სასამართლოში 29 დეკემბერს უნდა დაწყებულიყო, თუმცა წინა დღით აცნობეს, რომ პროცესი გადაიდო განუსაზღვრელი ვადით: „სხვების პროცესები გაიხსნა და ისე გადაიდო, ჩემი არც გახსნილა“. იგი ეჭვობდა, რომ სადავო პარლამენტში მიღებული ახალი კანონით მას ადმინისტრაციულ პატიმრობაში კიდევ ერთხელ გაუშვებდნენ, რადგან მსგავსი კანონით მას საავტომობოლო გზის გადაკეტვასაც ედავებოდნენ და ამისთვის რვა დღე საპატიმროში გაატარა. „უკვე ვემზადებოდი ციხეში ჩასაჯდომად“, - ამბობს გიორგი წულაია. ტროტუარზე პროტესტის გამო შინაგან სამქეთა სამინისტრომ ადმინისტრაციულ სამართალდარღვევათა ოქმი 10-ზე მეტ ადამინს შეუდგინა. სასამართლოს ამ დრომდე სამართალდამრღვევათ არავინ გამოუცხადებია. საქმეების განხილბა 9 იანვრიდან გაგრძელდება. ერთი თვის წინ, 10 დეკემბერს სადავო პარლამ...