ტროტუარზე პროტესტისთვის მოქალაქეს 1 წლამდე პატიმრობა ემუქრება

„ადმინისტრაციულ სამართალდარღვევის ოქმების საფუძველზე დაწყებული ადმინისტრაციული სამართალდარღვევის საქმე შეიცავს სისხლის სამართლის ნიშნებს, რის გამოც გიორგი წულაიას მიმართ დაწყებული ადმინისტრაციული სამართალდარღვევის საქმის წარმოება უნდა შეწყდეს და შემდგომი რეაგირებისთვის გადაეცეს შსს-ს თბილისის პოლიციის დეპარტამენტს“, - დაწერა მოსამართლე დავით მაკარიძემ გადაწყვეტილებაში. მოსამართლე ამ დასკვნამდე მიდის მას შემდეგ, რაც აღნიშნავს, რომ გიორგი წულაია გზის გადაკეტვის ბრალდებით ადმინისტრაციულ პატიმრობაში უკვე იმყოფებოდა 8 დღის განმავლობაში. მისი განმარტებით, ასეთი შემთხვევებზე წერია სისხლის სამართლის კოდექსის 347-ე მუხლში, რომლის მიხედვითაც, „იმავე ქმედების ჩადენა“ ისჯება ერთ წლამდე პატიმრობით. გუშინ, 8 იანვარს, გიორგი წულაიამ შეიტყო, რომ ტროტუარზე პროტესტის გამო მის წინააღმდეგ აღძრული ადმინისტრაციული საქმე მოსამართლე დავით მაკარიძემ შეწყვიტა. „დღეს, 8 საათზე დამირეკეს და მითხრეს, რომ თქვენმა მოსამართლემ, დავით მაკარიძემ, განიხილა თქვენი საქმე და შეწყვიტა წარმოებაო. არგუმენტზე რომ ვიკითხე, მ...