„ტროტუარზე დგომისთვის 3 შვილის დედას უპირებენ სისხლით დაჭერას“ - ამბობს ადვოკატი

როგორც მან „ფეისბუკში“ დაწერა, რომ მოსამართლე თორნიკე კაპანაძემ, რომელიც ანა ბდეიანის წინააღმდეგ შინაგან საქმეთა სამინისტროს მიერ შეტანილ ადმინისტრაციულ სამართალდარღვევათა ოქმს განიხილავდა, საქმის წარმოება შეწყვიტა. ადვოკატის ცნობით, მოსამართლემ საქმე შსს-ს სისხლის სამართლის კოდექსით რეაგირებისთვის დაუბრუნა. „3 შვილის დედას, ტროტუარზე დგომის გამო უპირებენ სისხლით დაჭერას“, - აცხადებს მარიამ არევაძე. ეს არ არის პირველი შემთხვევა, როცა თბილისის საქალაქო სასამართლოს მოსამართლემ ტროტუარზე დგომისთვის დაწყებული სამართალწარმოება შეწყვიტა. მოსამართლე დავით მაკარაძემ საქმეში სისხლის სამართლის ნიშნები დაინახა, რადგან მოქალაქე გიორგი წულაია საავტომობილო გზის გადაკეტვისთვის (2025 წლის 22 ოქტომბრის გადაწყვეტილება) იმავე კანონით 8-დღიან პატიმრობაში უკვე იმყოფებოდა. მოსამართლის განმარტებით, ასეთი შემთხვევებზე წერია სისხლის სამართლის კოდექსის 347-ე მუხლში, რომლის მიხედვითაც, „იმავე ქმედების ჩადენა“ ისჯება ერთ წლამდე პატიმრობით. ტროტუარზე პროტესტის გამო შინაგან საქმეთა სამინისტრომ ადმინისტრაციულ სამ...