ტროტუარზე დგომის გამო დაპატიმრება - წესრიგის დაცვა თუ აბსურდი?

24 წლის ანი ახმეტელი პირველი დემონსტრანტია, რომელიც „ხალხის სავალი ნაწილის ჩახერგვის“ არგუმენტით სასამართლოში დაიბარეს. ამ საქმის განხილვა მოსამართლე ზვიად ცეკვავამ ჩაიბარა. თუ მოსამართლისა და შსს-ს წარმომადგენლების სხდომაზე დასმულ კითხვებს მივყვებით, გამოვა, რომ ხელისუფლება პროტესტის გამოხატვას არათუ ზღუდავს, არამედ ისეთ პრაქტიკას ნერგავს, რაც, იურისტების შეფასებით, არა მხოლოდ კონსტიტუციას ეწინააღმდეგება, არამედ სამართლებრივ აბსურდამდე მიდის. „ეს მსუსხავი ეფექტი აღარ არის, ეს გამყინავი ეფექტია, ეს ნიშნავს, რომ დემონსტრანტებს ნებართვის გარეშე შეკრების უფლების გამოყენება აუკრძალეთ“, - თქვა ადვოკატმა მალხაზ პატარაიამ. ამ სტატიაში გამოთქმული ვარაუდები ე.წ. ტროტუარის საქმეების განხილვაზე მხარეების გამოთქმულ პოზიციებს ემყარება. მოსამართლე ზვიად ცეკვავას ჯერ გადაწყვეტილება არ მიუღია, სხდომა მომდევნო წლისთვის გადადო. 24 წლის ანი ახმეტელს, ისევე როგორც ათობით სხვა მოქალაქეს, 16 დეკემბერს ტროტუარზე დგომით „ხალხის სავალი ნაწილის ჩახერგვას“ ედავებიან. ანი ახმეტელი პოლიციის მაიორმა გიგა ბატკუ...