ტრამპმა BBC-ს სასამართლოში უჩივლა

ამერიკის შეერთებული შტატების პრეზიდენტმა დონალდ ტრამპმა სასამართლოში უჩივლა ბრიტანულ მაუწყებელ BBC-ს, რომელსაც ცილისწამებაში ადანაშაულებს. ტრამპის ადვოკატებმა სარჩელით 15 დეკემბერს მიმართეს ფლორიდის სასამართლოს. მედიასაშუალებების ნაწილის, მათ შორის თავად BBC-ს ცნობით, დონალდ ტრამპი ბრიტანული სამაუწყებლო კორპორაციისგან 5 მილიარდ დოლარს მოითხოვს. The Guardian-ი და Financial Times-ი 10 მილიარდის შესახებ წერენ. აშშ-ის პრეზიდენტის ადვოკატები BBC-ს ბრალს სდებენ ტრამპის გამოსვლის მიზანმიმართულ და შეცდომაში შემყვან რედაქტირებაში. საუბარია ტრამპის გამოსვლაზე 2021 წლის 6 იანვარს, როცა მისი მომხრეები აშშ-ის კონგრესის შენობაში შეიჭრნენ. ბრიტანული მაუწყებლის პროგრამა „პანორამაში“ შარშან გამოყენებული ფრაგმენტი იმგვარად იყო დამონტაჟებული, რომ ტრამპის მხრიდან წაქეზების შთაბეჭდილებას ქმნიდა. სკანდალი მას შემდეგ აგორდა, რაც რამდენიმე კვირის წინ ბრიტანულმა გამოცემა Telegraph-მა მოიპოვა და გამოაქვეყნა BBC-ს სარედაქციო სტანდარტების კომიტეტის დამოუკიდებელი მრჩევლის, მაიკლ პრესკოტის სამსახურებრივი წერილ...