ტრამპის თქმით, 25%-იან ტარიფებს უწესებს ირანის ბიზნესპარტნიორებს

როგორც ტრამპი სოციალურ ქსელში წერს, "განკარგულება საბოლოოა და შეუცვლელია". მისივე ტექსტის მიხედვით ტარიფი „დაუყოვნებლივ ამოქმედდა“. მეტ კონკრეტიკას აშშ-ის პრეზიდენტის პოსტი არ შეიცავს. „ნებისმიერი ქვეყანა, რომელიც ირანის ისლამურ რესპუბლიკასთან ბიზნესურთიერთობას აწარმოებს, ამერიკის შეერთებულ შტატებთან განხორციელებული ყველა საქმიანი ურთიერთობისთვის 25%-იან ტარიფს გადაიხდის", – წერს აშშ-ის პრეზიდენტი. აშშ-ის პრეზიდენტის გადაწყვეტილება ჯერჯერობით არ გამოქვეყნებულა თეთრის სახლის ვებსაიტზე. უცნობია, კონკრეტულად ირანის რომელ სავაჭრო პარტნიორებს შეეხებათ ტრამპის გადაწყვეტილება. ირანთან სავაჭრო ურთიერთობები აქვს საქართველოსაც. მათ შორის 2025 წლის სამი კვარტლის მონაცემებით ირანიდან საქართველოში 295.3 ათასი აშშ დოლარის პირდაპირი უცხოური ინვესტიციები ( FDI ) შემოვიდა. 2024 წელს საქართველო-ირანის სავაჭრო ბრუნვაში ექსპორტი 36.9 მლნ აშშ დოლარი იყო, ხოლო იმპორტი 285.1 მლნ აშშ დოლარი. რაც შეეხება საქართველოს აშშ-სთან ვაჭრობას, საქსტატის თანახმად, 2024 წელს საქართველოდან აშშ-ში 141 მლნ დოალარზე მეტი...