ტრამპი ვენესუელას ხარჯზე ნავთობის ფასის 50 დოლარამდე დაწევას გეგმავს

დონალდ ტრამპი და მისი მრჩევლები ვენესუელას ნავთობინდუსტრიაში აშშ-ის გრძელვადიანი დომინირების უზრუნველყოფასა და ბარელ ნავთობზე ფასის სასურველ 50 დოლარამდე დაწევას გეგმავენ. The Wall Street Journal-ს (WSJ-ს) საკითხთან დაკავშირებულმა პირებმა აცნობეს, რომ პრეზიდენტის მიერ თანაშემწეებთან გაკეთებული განცხადების თანახმად, ამერიკელების მიერ ვენესუელური ნავთობის დაუფლება ბარელზე ფასის სასურველ 50 დოლარამდე დაწევას ხელს შეუწყობს. თეთრ სახლში შემუშავებული გეგმა სახელმწიფო ნავთობკომპანია Petróleos de Venezuela-ზე ნაწილობრივი კონტროლის დამყარებას, მათ შორის, მისი მარაგის უმეტესი ნაწილის შეძენასა და გაყიდვას ითვალისწინებს. WSJ-ის წყაროების ცნობით, მადუროს დაკავებისთანავე თეთრმა სახლმა ვენესუელას ახალ ხელისუფლებასთან ნავთობის მარაგის კონტროლისა და ქვეყანაში წარმოების გაზრდაში აშშ-ის როლის შესახებ კერძო განხილვა დაიწყო. ვინაიდან ვენესუელას დედამიწაზე ნავთობის უდიდესი მარაგი აქვს, აშშ, საკუთარი საბადოებისა და იმ საბადოების გათვალისწინებით, სადაც ამერიკული კომპანიები მოქმედებენ, დასავლეთ ნახევარსფეროშ...