ტრამპი: მადუროს ნიუ-იორკში ჩაიყვანენ

გავრცელებული ვარაუდით, მადურო და მისი ცოლი ვენესუელიდან ვერტმფრენით გაიყვანეს და შემდეგ ხომალდზე გადასვეს. აშშ-ის გენერალური პროკურორის, პემ ბონდის თქმით, ნიუ-იორკში ორივე მათგანს ბრალს წაუყენებენ. მათ ბრალად ედება ნარკოტიკების ტრეფიკინგთან დაკავშირებული დანაშაულები - წერს ბონდი პლატფორმაზე X. კონკრეტულად, მადუროს ადანაშაულებენ "ნარკოტერორიზმის შეთქმულებაში" და "კოკაინის იმპორტირების შეთქმულებაში". მას ასევე ბრალად ედება ავტომატური იარაღის და ასაფეთქებელი საშუალებების ფლობა. საბრძოლო ხომალდი Iwo Jima 1960-იან წლებში შეიქმნა უწინარესად საზღვაო ქვეითების გადაყვანისა და ვერტმფრენების გადაზიდვის მიზნით. ამ ტიპის ხომალდი ცნობილი გახდა ვიეტნამის ომში წარმოებული ოპერაციებით, ასევე როგორც მაშველი ხომალდი აპოლოს კოსმოსური მისიებისთვის. Fox News-სთან ინტერვიუში ტრამპმა თქვა, რომ ერთი კვირის წინ მადუროს დაურეკა და მოუწოდა დანებებულიყო. "მე მას თავად ველაპარაკე, მაგრამ ვუთხარი, უნდა დათმო, უნდა დანებდე-მეთქი", - ამბობს ტრამპი. თუმცა, მისი თქმით, მადურომ ამაზე უარი განაცხადა. 3 იანვარს, დილით...