ტრამპი ირანზე: ნებისმიერი რეჟიმი შეიძლება დაეცეს

აშშ-ს პრეზიდენტმა დონალდ ტრამპმა გამოცემა Reuters-თან ინტერვიუში განაცხადა, რომ ირანში ანტისამთავრობო დემონსტრაციების შედეგად შესაძლოა, ხამენეის რეჟიმი დაეცეს. ტრამპმა აღნიშნა, რომ "ნებისმიერი რეჟიმი შეიძლება დაეცეს". თუმცა, მან ასევე დაამატა, რომ "მიუხედავად იმისა, დაეცემა თუ არა ის, დროის საინტერესო პერიოდი იქნება." ინტერვიუში აშშ-ს პრეზიდენტმა ასევე ეჭვქვეშ დააყენა, შეძლებს თუ არა ირანიდან დევნილი ტახტის მემკვიდრე და ოპოზიციურმა ფიგურა, პრინცი რეზა ფეჰლევი ქვეყნის მმართველობაში დაბრუნებას. ტრამპის თქმით, რეზა ფეჰლევი "კარგი ვინმე ჩანს, მაგრამ არ ვიცი, რა როლს ითამაშებს საკუთარ ქვეყანაში." ირანის დედაქალაქ თეირანსა და ქვეყნის სხვა ქალაქებში მზარდი ინფლაციისა და ეროვნული ვალუტის კოლაფსის ფონზე საპროტესტო აქციები 29 დეკემბერს დაიწყო. გამოცემა New York Times-ის მიხედვით, დეკემბრის ბოლოს ირანის ვალუტა აშშ-ს დოლართან მიმართებით ისტორიულ მინიმუმამდე დაეცა, ხოლო დეკემბერში წლიურმა ინფლაციამ 42.2 პროცენტს მიაღწია. ირანული ადამიანის უფლებათა დამცველი ორგანიზაციის, HRANA-ს მონაცემებით, ა...