ტრამპი გრენლანდიის თავდაცვაზე: ძაღლების ორი მარხილია

აშშ-ის პრეზიდენტის, დონალდ ტრამპის განცხადებით, თუ გრენლანდიას შეერთებული შტატები "არ წაიღებს", ამის გაკეთებას შეძლებენ რუსეთი ან ჩინეთი, ვინაიდან, როგორც ტრამპმა თქვა, კუნძულს ფაქტობრივად არ გააჩნია თავდაცვა. "თავისი არსით მათი თავდაცვა ძაღლების ორი მარხილია, იცით ამის შესახებ? იცით რა არის მათი თავდაცვა? - ძაღლების ორი მარხილი", - უთხრა ტრამპმა პრეზიდენტის თვითმფრინავის ბორტზე მყოფ ჟურნალისტებს. ტრამპის თქმით, გრენლანდიას ურჩევნია გარიგების დადება, რათა არ დაუშვას მოსკოვისა და პეკინის გავლენის გაძლიერება. აშშ-ის პრეზიდენტის თანახმად, საუბარია სწორად იმაზე, რომ აშშ-მა "წაიღოს" გრენლანდია, წინააღმდეგ შემთხვევაში, მისი მტკიცებით, ამას რუსეთი და ჩინეთი იზამენ. "ეს ვერ მოხდება, სანამ მე პრეზიდენტი ვარ", - თქვა ტრამპმა. ტრამპი გრენლანდიაზე კონტროლის აუცილებლობას აშშ-ის ეროვნული უსაფრთხოების მოსაზრებებით ხსნის. ამერიკელი ჯარისკაცები უკვე იმყოფებიან გრენლანდიაში დანიასთან შეთანხმებების საფუძველზე. თუმცა ტრამპი ამტკიცებს, რომ ეს საკმარისი არ არის. დანია და ევროკავშირის ქვეყნები დიდი შეშ...