ტრამპი, გრენლანდია და ნატო - როგორ იქნება არქტიკის ახალი პოლიტიკური რუკა?

აშშ-ის ადმინისტრაციის რადიკალურმა მიდგომამ ვენესუელის მიმართ და დასავლეთ ნახევარსფეროში აშშ-ის დომინირების გამოცხადებამ, კიდევ უფრო მეტი საფუძველი შესძინა გრენლანდიის ანექსიასთან დაკავშირებით დონალდ ტრამპისა და მისი გარემოცვის განცხადებების სერიოზულად აღქმას. 7 იანვარს თეთრი სახლის პრესმდივანმა ქეროლაინ ლევიტმა განაცხადა, რომ აშშ-ის პრეზიდენტი დონალდ ტრამპი და მისი მრჩევლები გრენლანდიის შეძენის რამდენიმე ვარიანტს განიხილავენ, თუმცა, მისივე თქმით, არმიის ჩართვა "ყოველთვის რჩება ერთ-ერთ ვარიანტად." "[ტრამპმა] მკაფიოდ განმარტა, რომ გრენლანდიის შეძენა აშშ-ის ეროვნული უსაფრთხოების პრიორიტეტია და მას გადამწყვეტი მნიშვნელობა აქვს არქტიკის რეგიონში მოწინააღმდეგეების შესაკავებლად. პრეზიდენტი და მისი გუნდი განიხილავენ ამ მნიშვნელოვანი საგარეო პოლიტიკური მიზნის მიღწევის არაერთ გზას და, რა თქმა უნდა, აშშ-ის შეიარაღებული ძალების გამოყენება ყოველთვის არის ვარიანტი, რომელიც მთავარსარდალს შეუძლია გამოიყენოს", – თეთრი სახლის პრესმდივანმა. გრენლანდია ძირითადად ყინულით დაფარული უზარმაზარი (2,1 მილიონი...