ტრამპი: აშშ ვენესუელიდან მიიღებს 30-50 მილიონ ბარელ ნავთობს

ტრამპის მიერ თავის სოციალურ ქსელ Truth-ში 7 იანვარს გამოქვეყნებული პოსტის თანახმად, სანქციების ქვეშ მყოფი მაღალი ხარისხის ნავთობი, რომელსაც აშშ-ს ვენესუელის დროებითი ხელისუფლება გადასცემს, საბაზრო ფასად გაიყიდება. ტრამპის განცხადებით, ის, როგორც აშშ-ის პრეზიდენტი ამ ფულს გააკონტროლებს, რათა გარანტირებული იყოს თანხის გამოყენება ვენესუელის ხალხის და აშშ-ის სასარგებლოდ. პრეზიდენტმა ტრამპმა აშშ-ის ენერგეტიკის მინისტრ რაიტს სთხოვა გეგმის დაუყოვნებლივ შესრულება. დონალდ ტრამპის ინფორმაციით, ვენესუელის ნავთობს გემებით ჩაიტანენ აშშ-ის სატვირთო ტერმინალებში. ვენესუელა მსოფლიოში პირველ ადგილზეა ნავთობის დადასტურებული რეზერვების მოცულობით, თუმცა მოპოვების დონე დაბალია. ვენესუელა შეერთებული შტატებისთვის ნავთობის უმსხვილესი მიმწოდებელი იყო 2000-იანი წლების შუა პერიოდამდე. სიტუაცია მას შემდეგ შეიცვალა, რაც ვენესუელის მაშინდელმა პრეზიდენტმა უგო ჩავესმა ნავთობის მრეწველობის ნაციონალიზაცია განახორციელა და კონფისკაციას დაუქვემდებარა ქვეყანაში მომუშავე ამერიკული ნავთობკომპანიების საკუთრებაც. ჩავესის...