თორნიკე თოშხუასა და მინდია შერვაშიძის სასამართლო: იკითხება ყოფილი ფეხბურთელი ბექა გოცირიძე

15:27 - მოსამართლე ელენე გოგუაძემ არ დააკმაყოფილა ადვოკატების მოთხოვნა და ბრალდებული დემონსტრანტები თორნიკე თოშხუა და მინდია შერვაშიძე პატიმრობაში დატოვა.მისი განმარტებით, ის, თუ რა თქვა დაზარალებულმა ყურადღება მისაქცევი და შესაფასებელი, განაჩენის ეტაპზე იქნება მნიშვნელოვანი.მოსამართლის თქმით, მტკიცებულებების განადგურების საფრთხე არ არსებობს, თუმცა არსებობს ახალი დანაშაულის ჩადენის საფრთხე.„ეს რისკი დღეს არ არის განეიტრალებული... ნუ იცინით, თუ მომისმენთ, თქვენც მიხვდებით, რაზე ვსაუბრობ [მიმართავს თორნიკე თოშხუას]... გამამტყუნებელი განაჩენის დადგენის შემთხვევაში სასამართლო გაითვალისწინებს დაზარალებულების პოზიციას... ბრალდებულების პოზიციასაც... თქვენი პოზიცია [თორნიკე თოშხუას მიმართავს] და ეს გამოჩნდა დაზარალებულთან მიმართებით დაკითხვისას.... სასამართლოს მიაჩნია, რომ თუ ბრალდებულები... დღეის მდგომარეობით, შესაძლოა, მოხდეს დანაშაულებრივი საქმიანობის გაგრძელება, ფაქტობრივი გარემოებები ვიცით", - განაცხადა მოსამართლემ.