თეიმურაზ მღებრიშვილი - სავაჭრო ცენტრ „ოქროს კიდობანში" ხანძარი ლიკვიდირებულია - შენობიდან დაახლოებით 20 მოქალაქის უსაფრთხოდ ევაკუაცია მოხდა, დაშავებული არ არის

საგანგებო სიტუაციების მართვის სამსახურის უფროსის თეიმურაზ მღებრიშვილის განცხადებით, სავაჭრო ცენტრ „ ოქროს კიდობანში” ხანძარი სრულად ლიკვიდირებულია. მისივე თქმით, ხანძარი გაჩნდა სავარაუდოდ, სარესტორნო ფართში. „ამ დროისთვის ხანძარი სრულად ლიკვიდირებულია. ხანძრის შეტყობინების შემდეგ, დაახლოებით, 5 წუთში გამოცხადდნენ სამაშველო ეკიპაჟები. მობილიზებული იყო 17 სახანძრო სპეცტექნიკა. შენობიდან დაახლოებით 20 მოქალაქის უსაფრთხოდ ევაკუაცია მოხდა. დაშავებული არავინ არ არის, დამწვარია სარესტორნო ფართის 300 კვადრატი. სავარაუდოდ, ხანძარი სარესტორნო ფართში გაჩნდა", - განაცხადა მღებრიშვილმა. ხანძრის შედეგად დაშავებულები არ არიან.