"თავისუფლება რეჟიმის ტყვეებს" - თბილისში შაბათის მარში იმართება

ახალი, გამკაცრებული საკანონმდებლო ნორმების მიუხედავად, მარში მონაწილეები გადაადგილდებიან როგორც ტროტუარზე, ასევე ავტომობილების სავალ ნაწილზეც. “თავისუფლება რეჟიმის ტყვეებს” - დაკავებული ადამიანების გათავისუფლება და ახალი არჩევნების ჩატარება - აქციის მონაწილეთა ძველ მოთხოვნებს, "ბიბისის" გამოძიების გამოქვეყნების შემდეგ დაემატა მოწოდება - საერთაშორისო გამოძიების ჩატარების შესახებ, იმის დასადგენად, თუ რა ქიმიური ნივთიერება შეურია წყლის ჭავლს "ქართული ოცნების" ხელისუფლებამ 2024 წლის ნოემბერ-დეკემბერში, პროევროპული დემონსტრაციების დაშლისას. 2025 წლის 1 დეკემბერს, დიდი ბრიტანეთის საზოგადოებრივმა მაუწყებელმა - BBC-მ ჟურნალისტური გამოძიება გამოაქვეყნა, რომლის მიხედვითაც, 2024 წლის მიწურულს, საქართველოში, დემონსტრანტების წინააღმდეგ, სავარაუდოდ - საუკუნის წინ შექმნილი ძლიერ ტოქსიკური ნივთიერება - Bromobenzyl cyanide (CA) - გამოიყენეს. “ქართული ოცნების” ხელისუფლებამ რამდენიმე დღეში განაცხადა, რომ ჩაატარა გამოძიება და BBC-ის ინფორმაცია არ დადასტურდა. საზოგადოების ერთ ნაწილს კვლავ მრავალი პასუხგ...