ტატო ქელბაქიანი - „ქართული ოცნების“ მხრიდან კომპრომისზე წასვლა მათთვისაც ერთგვარი შვება იქნება, მაგრამ ეს რეჟიმი არის ვერაგი, სახე დაკარგული აქვს და დღევანდელი დღეც ამის გამოხატულებაა - ადამიანები დილიდან ციხესთან არიან

ეს რეჟიმი არის ვერაგი, მას ადამიანური სახე დიდი ხანია დაკარგული აქვს და დღევანდელი დღეც ამის გამოხატულებაა. ხომ შეიძლებოდა ეთქვათ, რომ არანაირი გადაწყვეტილება არ არის მიღებული შეწყალებასთან დაკავშირებით და ეს მოლოდინი არ შეექმნათ. ოჯახებს მოლოდინი აქვთ და დღეს დილიდან საღამომდე ადამიანები ციხესთან არიან, - ამის შესახებ ორგანიზაციის „პრევენცია პროგრესისთვის“ ხელმძღვანელმა, ტატო ქელბაქიანმა „პალიტრანიუსის“ გადაცემა “რეზიუმეში“ განაცხადა. ქელბაქიანის თქმით, „ქართული ოცნება“ მუდმივად ცდილობდა, აქციების ფარგლებში დაკავებული პირებისგან შეწყალების თხოვნა მიეღო, რადგან ამით აქტივისტების უკანონო პატიმრობის ნაწილში თავს გაიმართლებდა. „ყაველაშვილი აქ არაფერს არ წყვეტს, ეს ადამიანი არ წარმოადგენს არაფერს. გადაწყვეტილებას იღებს ერთი ადამიანი და როგორც ამ ადამიანის მიერ იყო მიღებული ამ ხალხის უკანონო დაკავების გადაწყვეტილება, ასევე შეეძლო, ასეთი ტიპის გადაწყვეტილება მიეღო შეწყალებასთან დაკავშირებით. ჩვენ კარგად ვხედავდით, რომ ეს რეჟიმი მუდმივად ცდილობს, ამ ადამიანებისგან, რომლებიც აბსოლუტურად უდა...