სუპერმარკეტში მოლარეს დანის დემონსტრირებით ფული გასტაცა - ბათუმში შსს-მ 1 პირი დააკავა

შინაგან საქმეთა სამინისტროს ცნობით, ბათუმში, 2000 წელს დაბადებული წარსულში ნასამართლევი ბ.ა. ყაჩაღობის ბრალდებით, ცხელ კვალზე  დააკავეს. “გამოძიებით დადგინდა, რომ  ბრალდებული,  მიმდინარე წლის 14 იანვარს, ბათუმში, სუპერმარკეტების ქსელის ერთ-ერთ ფილიალს თავს დაესხა. დანის  დემონსტრირებით მოლარე-ოპერატორს ფული გასტაცა და  მიმალვას შეეცადა, თუმცა პოლიციამ ის შემთხვევის ადგილზევე შეაჩერა და  ბრალდებულის სახით დააკავა”. - წერს შსს. გამოძიება საქართველოს სისხლის სამართლის კოდექსის 179-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.