Starlink ვენესუელას ერთთვიანი უფასო ინტერნეტით უზრუნველყოფს

ილონ მასკის კომპანია SpaceX-ის ტელეკომუნიკაციების განყოფილება, Starlink მომდევნო თვის განმავლობაში ვენესუელელებისთვის უფასო ინტერნეტზე წვდომას უზრუნველყოფს. ამის შესახებ სოციალურ ქსელ X-ზე Starlink-ის მიერ გამოქვეყნებულ განცხადებაში წერია. „Starlink ვენესუელას მცხოვრებლებს 3 თებერვლის ჩათვლით უფასო ფართოზოლოვან ინტერნეტზე წვდომას სთავაზობს, რაც შეუფერხებელ კავშირს უზრუნველყოფს,“ - წერია განცხადებაში. თავად ილონ მასკმა ეს გადაწყვეტილება ვენესუელას ხალხის მხარდაჭერის სურვილით ახსნა. „ვენესუელას ხალხის მხარდასაჭერად,“ - დაწერა მასკმა თავის სოციალურ ქსელ X-ზე და Starlink-ის განცხადება გაიმეორა, პოსტის ბოლოს კი ვენესუელას დროშა დაამატა. მოამზადა ლადო სულაბერიძემ