სირიის პრეზიდენტის ადმინისტრაცია - აჰმედ ალ-შარაა დონალდ ტრამპს ესაუბრა

სირიის პრეზიდენტი დონალდ ტრამპს ესაუბრა, - ინფორმაციას „ფრანს-პრესი“ სირიის პრეზიდენტის ადმინისტრაციაზე დაყრდნობით ავრცელებს. სირიის პრეზიდენტის ადმინისტრაციის ცნობით, აჰმედ ალ-შარაამ და აშშ-ის პრეზიდენტმა, დონალდ ტრამპმა სატელეფონო საუბარში ხაზი გაუსვეს სირიის ტერიტორიული მთლიანობისა და დამოუკიდებლობის შენარჩუნების მნიშვნელობას, ასევე, სტაბილურობის მიღწევისკენ მიმართული ძალისხმევის მხარდაჭერას. „ორივე მხარემ ხაზი გაუსვა სირიის სახელმწიფოს ფარგლებში ქურთი ხალხის უფლებებისა და მათი დაცვის აუცილებლობას“, - ნათქვამია სირიის პრეზიდენტის ადმინისტრაციის განცხადებაში. განცხადების თანახმად, „მხარეები შეთანხმდნენ, რომ გააგრძელებენ თანამშრომლობას ტერორისტული ორგანიზაცია „ისლამური სახელმწიფოს“ წინააღმდეგ ბრძოლისა და მისგან წამოსული საფრთხეების დასრულების მიზნით“.