“სიყვარულის მახვილი” - რას აკეთებს ირანული ალ-მუსტაფას უნივერსიტეტი საქართველოში?

კაცები პიჯაკებსა და პერანგებში არიან გამოწყობილნი. თეთრ თავსაბურავიან ქალებს სამოსიც თეთრი აცვიათ. მათ ტანზე შემოხვეულ ოქროსფერ ლენტებს ლათინური და სპარსული ასოებით აწერია: “ალ-მუსტაფას საერთაშორისო უნივერსიტეტი, საქართველო, 2025 წელი”. მართალია, ირანულ უნივერსიტეტს საქართველოში აკრედიტაცია არ აქვს, მაგრამ ეს ხელს არ უშლის ალ-მუსტაფას ქართულ ფილიალს ყოველწლიურად ათეულობით სტუდენტი მიიღოს. გამოცდების ჩაბარება საჭირო არ არის, სწავლა უფასოა. 2011 წლიდან “ყუმის ალ-მუსტაფას უნივერსიტეტის საქართველოს ფილიალს თეოლოგიის უფასო ხუთწლიანი პროგრამა სტუდენტს სწავლასთან ერთად საცხოვრებელსაც აძლევს. სწავლების ენა აზერბაიჯანულია, თუმცა ისწავლება სპარსულიც. ხუთწლიანი პროგრამის დასასრულს სტუდენტებს ახალი პერსპექტივა აქვთ წინ - სწავლის გაგრძელება ირანში, ყუმში”, - წერს პროფესორი გიორგი სანიკიძე 2022 წელს ილიას სახელმწიფო უნივერსიტეტის მიერ გამოქვეყნებულ ნაშრომში „ირანი და სამხრეთ კავკასიის ქვეყნები". “ახლა ორწლიანი პროგრამა გვაქვს“ - გვეუბნება უნივერსიტეტთან დაკავშირებული ქართული ორგანიზაციის ერთ-ერთი...