სია: ვის შეუძლია ორ საჯარო სამსახურში ერთდროულად მუშაობა

1 ნოემბრიდან საჯარო მოსამსახურეებს საჯარო სექტორში დამატებითი საქმიანობა და ანაზღაურების მიღება მხოლოდ გამონაკლის შემთხვევებში შეუძლიათ. კანონის მე-13 მუხლიდან ამოიღეს ჩანაწერი, რომელშიც ეწერა, რომ დასაქმებულებს „იმავე საჯარო დაწესებულების სისტემაში“ შეთავსებით მუშაობის უფლება ჰქონდათ. საქართველოს მთავრობამ 28 ოქტომბერს მიიღო დადგენილება, რომლითაც დამატებით განსაზღვრა იმ პროფესიული სფეროების ჩამონათვალი, რომლებში დასაქმებულ ადამიანებსაც შეუძლიათ სხვა ანაზღაურებად სამსახურებში მუშაობა: დეტალური აღწერილობის სანახავად ეწვიეთ ამ ლინკს. ახალი წესის დამრღვევს საბიუჯეტო ორგანიზაციაში მუშაობა ორი წლის განმავლობაში აღარ შეეძლება.