შვილისთვის ბრალის მოხსნის მოთხოვნით მასწავლებელ ავალიანის საქმეზე დაკავებულის დედამ შიმშილობა დაიწყო

მასალაში არასრულწლოვანის სახელი და გვარი დედასთან შეთანხმებით და მისი სურვილით არის ნახსენები. ძნელაძე ამტკიცებს, რომ მისი შვილი უდანაშაულოა და პროკურატურამ გიგა ავალიანის ოჯახის გასაჩუმებლად დააკავა, შემდეგ კი ბრალი დაუმძიმა. „შიგნით არ შემომიშვებთ?! - გარეთ ვიშიმშილებ! დღეიდან ეს ადგილი იქნება ჩემი სასაფლაო, მაგრამ ჩემს შვილს არ დაგითმობთ, რადგან უდანაშაულოა!” - თქვა სოფო ძნელაძემ პროკურატურასთან. ის ფიქრობს, რომ მისი შვილს ბრალი გენერალური პროკურორის, გიორგი გვარაკიძის დავალებით დაუმძიმეს. „ძალა აღმართს არ ხნავს და განახებ ამას. ყველაფრის მკადრებლებო, იმათზე უარესებო. უსინდისოებო. კორუმპირებული ხარ [გიორგი გვარაკიძე]“, - თქვა სოფო ძნელაძემ. დემეტრე ჩიქოვანის დედის მხარდასაჭერად პროკურატურასთან 30-მდე ადამიანი იყო შეკრებილი, მათ შორის ჭარბობდნენ მოზარდი ბიჭები. დემეტრე ჩიქოვანს ბრალი რამდენიმე დღის წინ, 14 იანვარს დაუმძიმეს. აქამდე მას დანაშაულის შეუტყობინებლობას ედავებოდნენ. დამძიმებული ბრალდება, რომელიც განზრახ მძიმე დაზიანების ჯგუფურად მომზადებას გულისხმობს, 9-დან 13 წლამდე...