შემოსავლების სამსახური საქართველოში რუსული წარმოშობის ნავთობის შემოსვლასთან დაკავშირებით განმარტებას აკეთებს

საქართველოს შემოსავლების სამსახურმა განაცხადა, რომ ლიბერიის დროშის ქვეშ მცურავმა გემმა საქართველოს ყულევის ნავსადგურში რუსული კომპანიიდან ნედლი ნავთობი შემოიტანა და აღნიშნა, რომ გემი, მისი მფლობელი და ტვირთი საერთაშორისო სანქციების ქვეშ არ იმყოფებიან. სამსახურის ინფორმაციით, ყულევის ნავსადგურში შემოვიდა ლიბერიის დროშის ქვეშ მცურავი გემი ,,NOSTOS“, რომელზეც დატვირთული იყო რუსული კომპანიიდან, ერთ-ერთი უცხოური შუალედური კომპანიის მიერ, ქართული კომპანიისთვის გამოგზავნილი, იმპორტის საბაჟო პროცედურაში მოქცევისთვის განკუთვნილი 40 143 ტონა ნედლი ნავთობი. „საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს მიერ განხორციელებული სკრინინგის შედეგად დადასტურებულია, რომ გემსა და გემის მფლობელ კომპანიაზე, ასევე ტვირთზე არ ვრცელდება საერთაშორისო სანქციები. გამომდინარე აქედან, იგი კანონმდებლობის სრული დაცვით შემოვიდა ქვეყანაში და ტვირთი მოექცა იმპორტის პროცედურაში“, – ნათქვამია შემოსავლების სამსახურის განცხადებაში. ამავე განცხადების თანახმად, შემოსავლ...