შექმნეს ყველაზე შავი ქსოვილი, რომელიც მასზე დაცემული სინათლის 99,87%-ს შთანთქავს

კორნელის უნივერსიტეტის ინჟინრებმა ისტორიაში ყველაზე შავი ქსოვილი შექმნეს, რომელიც მის ზედაპირზე დაცემული სინათლის 99,87 პროცენტს შთანთქავს.იმისათვის, რათა რაღაც ულტრაშავად გადააქციო, მისი უბრალოდ საღებავში ამოვლება არ კმარა. საჭიროა მასალის სტრუქტურის ნანოსკოპურ მასშტაბზე ისე მანიპულირება, რომ მან რაც შეიძლება მეტი სინათლე დაიჭიროს.ამ შემთხვევაში, კორნელის მკვლევრებმა თეთრი მერინოსის ცხვრის შალის ქსოვილი შეღებეს სინთეტიკური მელანინის პოლიმერით, სახელად პოლიდოპამინი. შემდეგ ის პლაზმის კამერაში მოათავსეს და ამოჭრეს სტრუქტურები, რომლებსაც ნანოფიბრილები ეწოდებათ — არსებითად, ეს არის პაწაწინა ბოჭკოები, რომლებიც სინათლეს იჭერენ.„უკან არეკვლის ნაცვლად, სინათლე წინ და უკან სხლტება ფიბრილებს შორის — სწორედ ეს წარმოქმნის ულტრაშავ ეფექტს“, — ამბობს კორნელის უნივერსიტეტის ქსოვილების მეცნიერი და დიზაინერი ჰანსადი ჯაიამაჰა.სტრუქტურის შთაგონება გახდა ე. წ. სამოთხის ჩიტი, სახელად დიდებული პტილორისი (Ptiloris magnificus). ეს ფრინველები ახალ გვინეასა და ჩრდილოეთ ავსტრალიაში ბინადრობენ და მამრები გამოირჩ...