შეიხი მანსური და იმამი შამილი კიევის ქუჩებში - ბრძოლა მთიელი მეთაურების სახელებისთვის

რადიო თავისუფლების პროექტმა „კავკაზ.რეალიიმ“ შეისწავლა ამ სიმბოლური ჟესტის მნიშვნელობა როგორც ამ დანაყოფების მებრძოლებისთვის, ასევე ზოგადად რუსეთის წინააღმდეგ მებრძოლი ჩრდილოეთ კავკასიელებისა და მოსახლეობისთვის. უკრაინის დედაქალაქის შევჩენკოს რაიონში მდებარე აქამდე უსახელო პარკს იმამ შამილის სახელი მიენიჭა. უფრო ადრე, შესაბამისი წინადადებით „დაღესტნის ხალხთა სრულიად უკრაინულმა კონგრესმა“ ქალაქის საბჭოს მიმართა. ორგანიზაციის პრეზიდენტმა, ახმად ახმედოვმა, სრულად დაუჭირა მხარი კიევის რადის გადაწყვეტილებას და განაცხადა, რომ „იმამი შამილი, ისევე როგორც დღევანდელი უკრაინა, ოდესღაც რუსი დამპყრობლების წინააღმდეგ იბრძოდა“ და „25 წლის განმავლობაში ჩეჩნეთისა და დაღესტნის მთიელების წინამძღოლი იყო“. ქუჩას, რომელსაც ადრე რუსეთის იმპერიაში დაბადებული საბჭოთა პედაგოგისა და მწერლის, ანტონ მაკარენკოს სახელი ერქვა, შეიხი მანსურის ბატალიონის სახელი დაერქვა. ცვლილებები „დერუსიფიკაციის“ პროგრამის ნაწილია. კიევის პარლამენტის წევრმა, ვიქტორია მუხამ აღნიშნა, რომ „რუსეთი ათწლეულების განმავლობაში ახვევდა თავს...