„სეზონის დაგვიანებულმა გახსნამ წინასწარი ჯავშნების გაუქმება გამოიწვია - წელს განსაკუთრებულად აქტიურობენ ინდოელები“

მთის კურორტებზე, კერძოდ კი გუდაურში მოქმედ ზოგიერთ სასტუმროში, ახალი წლის დღეებში, ნომრების თითქმის 100% უკვე დაჯავშნილია. თუმცა, როგორც „ბიზნესპრესნიუსს“ ბიზნესის წარმომადგენლებმა უთხრეს, სეზონის დაგვიანებულმა გახსნამ, წინასწარი ჯავშნების გაუქმება გამოიწვია. სასტუმრო „გუდაურას“ მენეჯერის, ირაკლი კუტალიას თქმით, წინასწარი ჯავშნების თითქმის 40% გაუქმდა, შემდეგ კი სასტუმროს ნომრების დარეზერვება თავიდან მოხდა. „ახალი წლის პერიოდში მოთხოვნა დიდია, თითქმის 90-100%-ით დაჯავშნილია ნომრები. ასეა დაახლოებით 7 იანვრამდე. შემდეგ იანვრის ბოლომდე ჯავშნები მცირდება. როგორც წესი, განსაკუთრებულად მოთხოვნადი არასდროს არ არის ხოლმე ეს პერიოდი, თუმცა ამ წელს კიდევ უფრო მეტად არაა მოთხოვნა დროის ამ მონაკვეთზე. მერე თებერვალი ისევ დატვირთულია. ახალი წლის პერიოდთან დაკავშირებით შემიძლია ვთქვა, რომ მოთხოვნა წინა წლების მსგავსია. თუმცა, სეზონი გვიან გაიხსნა და აქედან გამომდინარე, არ იყო წინასწარი ჯავშნებიც კარგი. პოსტპანდემიური პერიოდის მერე, ისედაც შეიცვალა ეს ტენდენცია და ჯავშნები რამდენიმე თვით ადრე აღა...