სები: საერთაშორისო სავალუტო რეზერვებმა „ისტორიულად მაღალ მაჩვენებელს“, დაახლოებით, 6.16 მილიარდ აშშ დოლარს მიაღწია

საქართველოს ეროვნულმა ბანკმა განაცხადა, რომ 2025 წლის დეკემბრის მდგომარეობით, წინა თვესთან შედარებით, საქართველოს საერთაშორისო სავალუტო რეზერვები 342.6 მლნ აშშ დოლარით გაიზარდა და „ისტორიულად მაღალ მაჩვენებელს“, დაახლოებით, 6.16 მილიარდ აშშ დოლარს მიაღწია. ეროვნული ბანკის მაკროეკონომიკისა და სტატისტიკის დეპარტამენტის უფროსმა, თამთა სოფრომაძემ, ზრდა „ძლიერ მაკროეკონომიკურ ფუნდამენტურ ფაქტორებსა და თანმიმდევრულ პოლიტიკას“ დაუკავშირა და განაცხადა, რომ „მონეტარული ოქროს წილი საერთაშორისო სავალუტო რეზერვებში 16.3%-ს, ანუ 1,002.3 მილიონ აშშ დოლარს შეადგენს. ოქროს ფასის ზრდის შედეგად, მისი ღირებულება შეძენის მომენტიდან გაორმაგდა და რეზერვებს დამატებით 502.3 მილიონი აშშ დოლარი შემატა”. ეროვნულმა ბანკმა გაიმეორა, რომ საერთაშორისო სავალუტო რეზერვები „ქვეყნის მაკროეკონომიკური სტაბილურობის მნიშვნელოვანი გარანტორია“. გასული წლის განმავლობაში, სებ-ი სავალუტო რეზერვების შევსებას განაგრძობდა. მაგალითისთვის, მარტში 101.7 მლნ-ის, აპრილში 266.4 მლნ-ის, მაისში 245.4 მლნ-ის, ივნისში 266.0მლნ-ის, ი...